انواع الحموات وكيفيه التعامل معهم

المشاكل الزوجية اغلبها تدخل الحموات اللة يسامحهم لكن كل حماه عن حماه تختلف بدك تعرفي حماتك من اي نوع وكيف تتعاملي معها تابعي معي ترى الحموات شغلتهم شغلة ^^

الحماه اللينه الودودة
هادي الحماه ماشاء الله عليها سهل تكسبيها وتوديها رايقة هادية وطبيعتها  بتكون معك دايما على الحق لانها ودودة وبتحب الخير وسهل انك تتعاملي معها عليك بس تكسبي رضاها وتقدريها 

الحماه الفضوليه
هادي الحماه اللي بتتدخل بكل شي في الخصوصيات وفي كل كبيرة وصغيرة وبتحب تبعبش لتوصل لمرادها هادي لازم تشبعي فضولها وكوني ذكيه يعني خليها تدخل في امور المنزل بس الخصوصيات بينك وبين زوجك خط احمر يعني خدي واعطي بالحكي معها واتحملي فضولها

الحماه الغيورة
هادي الحماة مشكله والله يعين كل زوجه بتكون حماتها هيك بس بسيطة هي بتغار من ابنها عليكي شوبتعملي لاتتودي لزوجك امامها يعني لاتظهري مشاعر الحب ولاتبالغي حبيبتي بالتزين امام زوجك  تراكي هيك بتشعلي نار انتي مش قدها ودايما تتودي الها واشعريها بحبك الها بدها شوية فطنه وذكاء ولحلحة ماشي عيوني

والحماه المتسلطة
حاولي تسكني لحالك  اذا في مجال وخليها بس تتدخل بامور البيت يعني تعطيكي الاوامر بهيك امور ولاتصتدمي معها تراها مش هينه وحاولي تستعيني فيها بقرارتك يعني تعطيها اهتمام اكثر لاتوخذي قرارات بامور البيت وغيرها بدون استشارتها حتى لو قرارتها بتكون مش صائبة بس اشعريها بانك محتاجة تاخدي رايها وهيك بتكوني سيطرت انتي بطريقه ذكيه

واخيرا احرصي عزيزتي على اعانه زوجك ببر امه وكوني دايما طيبه التعامل معها فهي امراة كبيرة واحترام الكبيرواجب علينا مهما كان طبع الحماة و لانك  بالنهاية تريدين كسب رضا الله ورضا زوجك وحتى تعيشي براحة بال مشيها لاتكبري الامور كبريها بتكبر وصغريها بتصغر ودمتم بكل الخير ^  _   ^

 

 

ارسلي استفسارك و سؤالك هنا

♥ عزيزتي لطفاً ! لديكي اي استفسار او تعليق ؟